Arbenita dhe Fero kanë qenë dyshja më e diskutuar e showbiz-it këto muajt e fundit. Ata të dy janë përfolur shpesh për një ndarje të mundshme, por ditën e djeshme Arbenita i hodhi poshtë të gjitha thashethemet duke shprehur publikisht mbështetjen për partnerin e saj.
Reperi dhe modelja jo vetëm që nuk janë ndarë, por mesa duket kanë nisur edhe bashkjetesën. Sot Arbenita ka treguar se jeton në Berlin të Gjermanisë, vend në të cilin Fero është shpërngulur prej muajsh për të nisur një karrierë atje.
Madje “Prive.al” ka siguruar një foto paparaci të çiftit, në të cilën ata shihen të dy të kapur përdore rrugëve të Berlinit.
Ata nuk kanë treguar se kanë nisur të jetojnë bashkë, por gjithë këto shenja në një farë mënyre e konfirmojnë këtë gjë. Arbenita dhe Fero kanë një vit që kanë bërë lidhjen publike dhe duket se tashmë po jetojnë momentet më të bukura mes tyre. /revistawho.com
