Gazetari dhe ish-banori i “Big Brother VIP Albania”, Bledi Mane, ka shprehur publikisht dëshirën që në sezonin e pestë të spektaklit të rikthehet, por këtë herë jo si konkurrent, por si opinionist.
Në një intervistë për “Live From Tirana”, Mane tha se do të dëshironte ta shihte veten në krah të opinionistes aktuale, Neda Balluku, duke theksuar se Arbër Hajdari e ka mbyllur tashmë ciklin e tij në këtë format.
“Besoj se do të më pëlqente në rolin e opinionistit. Ndoshta me Nedën do bëja një dyshe të lezetshme, sepse Arbri besoj e ka mbyllur ciklin e vet. Gjëra më të mëdha po e presin,” u shpreh ai.
Mane shtoi se Hajdari duhet të përqendrohet në një fazë tjetër të angazhimit publik, duke dhënë kontributin e tij në integrimin e Shqipërisë në BE dhe në politikë.
Sa i përket opinionistes Neda Balluku, gazetari e vlerësoi me notën 7 nga 10, por theksoi se me praninë e tij si bashkë-opinionist, niveli do të rritej deri në 9.
