Archie rritet dita ditës, Meghan Markle zbulon sa shumë ka ndryshuar vogëlushi

Meghan Markle dhe Princ Harry së fundmi kanë vizituar familjet e ushtarakëve dhe kanë ndarë bashkë me to eksperiencën e tyre si prindër. Dukesha e Sussex ka treguar për të gjithë se sa shumë është rritur djali i tyre, Archie, i cili tashmë është 6-muajsh. Meghan ka bashkëbiseduar me nëna të tjera të cilat ishin të pranishme në organizim, duke përfshirë edhe Amy Thompson. Kjo e fundit ka treguar se dukesha kishte folur me to si t’i kishte mikesha dhe kishte ndarë të njëjtat shqetësime që ka çdo nënë. “Vajza ime Aeris është në të njëjtën moshë me Archie dhe folëm për ecjen e tyre këmbadoras, ajo është një nënë normale dhe ishte njësoj si të flisja me një shoqe”, ka treguar Amy. Gjatë takimit me vogëlushët e ushtarakëve, Meghan ka zbuluar se djalit të saj i kanë dalë edhe dy dhëmbë të vegjël. Për herë të fundit Archie u fotografua gjatë vizitës me prindërit e tij në Afrikën e Jugut dhe nga imazhet e publikuara në media vogëlushi dukej si një kopje e babait të tij. /revistawho.com