Këngëtari shqiptar, Ardian Bujupi po përgatit projektin e radhës. Pas koncerteve të shumta që kishte gjatë sezonit veror, Bujupi tashmë ka gati këngën e re dhe është në përgatitje të videos. Këngëtari që u bë i njohur nga spektakli i talenteve “Gjermania kërkon një super star” pritet që shumë shpejt të lançojë këngën me titull “Ich Komme 2005”, që siç e shihni është në gjuhën gjermane.Nëpërmjet këtij projekti, Bujupi do të tregojë të gjithë rrugën e tij ndër vite.
Në fotografitë e publikuara në internet shihen pjesë të videos gjatë xhirimeve. Aty shihet edhe Zazou, një nga pjesëmarrëset në talentshoë, e cila dikur ishte e dashura e Ardianit. Ndërkohë, pas përfundimit të këtyre xhirimeve, Ardiani po përgatitet për një koncert në Shqipëri, por nuk dihet data e saktë se kur do të ndodhë.
