Ana Gjebrea është bërë e njohur për publikun shqiptar në një moshë shumë të vogël. Ardit Gjebrea e ka përfshirë atë në disa projekte të tij televizive dhe i ka vërtetuar publikut se vajza e tij është njësoj si babai, e lindur për në skenë. Së fundmi, ai ka publikuar një video në ‘Instastory’ ku zbulon se talenti i saj nuk është vetëm muzika apo televizioni, por edhe baleti. Në video, Ana shfaqet duke kërcyer në natyrë, nën tingujt e një muzike të lehtë. Ky lloj sporti nuk është vetëm balet, por ndërthuret me gjimnastikë, si dhe kërcim dhe quhet Gjimnastikë Ritmike. Ana duket të mbajë në dorë dhe një fjongo të gjatë, një aksesor që është i domosdoshëm në këtë sport. Kjo nuk është hera e parë që Arditi publikon pamje të tilla në lidhje me aktivitet e ndryshme të vajzës së tij, qofshin ato shkollore apo jashtë saj, gjë që tregon se sa krenar është ai për Anën e vogël./revistawho.com
