Ngjarjet e fundit në Francë kanë shkaktuar reagim edhe në vendin tonë. Kantautori dhe prezantuesi Ardit Gjebrea ka shkruar një status në profilin e tij në Facebook rreth terrorit që ka përfshirë Parisin në këto orë:
“Franca sërish…
Atje mund të isha unë, mund të ishe ti, mund të ishte nëna jote, babai yt, vëllai apo motra jote, çdo njeri i dashur mund të ishte mes të vrarëve aty…
Me ç’të drejtë akoma, në këtë shekull të ri ende kafshëria primitive vret? Në emër të kujt i merr jetën tjetrit? Si mundet?
Por kujdes: Mos fyeni një besim fetar ndryshe nga i juaji, cilido qoftë ai, pasi grupime të caktuara, nuk mund të përfaqësojnë një komunitet të tërë që besimin e kanë shërim dhe paqe për shpirtin e tyre.
Kush beson në Zot, nuk mundet të marrë të drejtën e Tij!
Ai na e ka dhënë jetën dhe vetem Ai na e merr!,”-përfundon Gjebrea.
