Ardit Gjebrea është një nga moderatorët më të dashur të publikut shqiptar, që me gjithë pasionin e tij që shfaq në ekran ka ‘rrëmbyer’ zemrat e të gjithëve. Në emisionin që ai drejton ‘E diela shqiptare’ ka një rubrikë ku njerëz të ndryshëm mund të vijnë dhe të kërkojnë falje apo premtim për diçka. Këtë të dielë u prezantua historia e rradhës dhe një ndërhyrje e Arditit ka tërhequr vëmendjen e publikut. “E vetmja gjë që kam pishman në jetë është koha që nuk kam kaluar me fëmijët e mi, pasi kam qenë duke punuar. Më dhemb shpirti për kohën e humbur me ta, ndonëse kam qenë duke punuar për ta. Sepse nuk e dimë se sa do të jemi ende këtu” ka thënë Arditi, duke treguar pengun e tij dhe të gjithë atyre prindërve që duhet të jenë të angazhuar me punë gjatë gjithë kohës. /revistawho.com
