Ardit Gjebrea ka mbajtur premtimin e dhënë në edicionin e 21 të “Kënga Magjike” duke bërë me shtëpi të re dy familje në “Thumanë”. Asokohe Arditi njoftoi se me biletat e shitura nga festivali do të ndërtonte shtëpi dhe misioni është përmbushur sot.
Së bashku me artistët, Arditi ka shkuar në Thumanë dhe i ka dorëzuar çelësat e shtëpisë familjes Caci.
Fillimisht ishte Soni Malaj që publikoi një video ku artistët shfaqeshin duke udhëtuar për në Thumanë me një furgon, të drejtuar nga moderatori e më pas Arditi ka publikuar fotot nga shtëpia e re duke dhënë lajmin e mirë.
Arditi njofton se edhe zonja Sabrie ka marrë në dorëzim shtëpinë e ndërtuar nga Telebingo shqiptare.
“Sot përmbushëm një mision – “kendojmëpërtëndërtuar nga “Kënga Magjike” – i dhamë çelësat e shtëpisë së re familjes Caci në Thumanë, të prekur nga tërmeti. Ndërsa zonja Sabrie mori në dorëzim shtëpinë e ndërtuar nga Telebingo Shqiptare. Mirënjohjes i jam ekipit magjik: Anxhela Peristerit, Endri Priftit, Eneda Tarifës, Jonida Maliqi, Lind Islamit, Marsela Çibukajt, Olsi Bylykut, Orgesa Zaimit, Rovena Dilos, Soni Malajt, Stefi Priftit, Venera Lumanit”-shkruan Arditi.
