Një situatë e pazakontë u krijua sonte në studion e “Top Show”. Miss Universe Kosova, argjentinesja Camila Barraza është përlotur në transmetim direkt. Bukuroshja ishte e ftuar në studion e Dudushit me kurorë në kokë, për të folur për titullin e rëndësishëm që sapo ka marrë. Mirëpo ate e njoftojnë se i dashuri i saj ka menduar t’i sjellë një video surprizë. Ai shfaqet në video për t’i thënë Camilës se ka gjetur një foto të saj me një njeri, ne një pozicion të dyshimtë. Madje ai vazhdon më tej, duke i thënë Miss-it se ndihet i zhgënjyer e ka vendosur ta rimendojë lidhjen. Në atë çast bukuroshja shpërthen në lot në transmetim direkt duke shpjeguar se nuk e kishte bërë kurrë diçka të tillë. Shakaja nuk vonoi shumë dhe kosovari Haris Çoçaj, i dashuri i Camilës u shfaq në studion e Dudushit dhe i dhuroi asaj puthje duke i thënë se dëshironte t’i provonte dashurinë. Një skenë shumë simpatike që me siguri i ka pëlqyer jo pak teleshikuesve. Kujtojmë se dhe në revistën tonë disa ditë më parë, kemi shkruar për historinë e zjarrtë të dashurisë së më të bukurës së Kosovës. Ajo dhe i dashuri i saj Haris njihen e duhen prej një viti, ndërsa argjentinesja me rrënjë shqiptare jeton me familjen e tij në Kosovë.
