Arian Çani bie në pesimizëm: Jeta është kaos e humanët me probleme, jetojmë në kohë të vështira

Ai është një personazh që percjell prej vitesh alegri në shtëpitë e shqiptarëve përmes ekranit. Drejtuesi i emisionit “Zonë e lirë” Arian Çani, është një nga figurat më simpatike të televizionit shqiptar. Mirëpo si i ftuar në një emision të Kosovës, pamë një anë tjetër të tij. Duket se Çani ka rënë në pesimizëm. Ai ka realizuar një video- selfie me celular për t’i treguar ditën e tij teleshikuesve. Në video pamë një Çani të mërzitur e gjithë ankesa për jetën. “Unë në makinë dëgjoj muzikë italiane sepse më relakson.  Muzika e këtushme të shurdhon. Jeta ime në Tiranë është një tmerr i paparë, e jo vetëm për mua por për të gjithë qytetarët sepse ka trafik të tmerrshëm. Pra dita kalon më së shumti në makinë. Në makinë bëhen punët, seksi, muhabetet, emisioni, gjithçka. Jeta është një kaos i madh. Po jetojmë në kohë të vështira. Humanët e shkretë kanë probleme, strese, halle, mbyten në një lugë uji. Njerëzit kanë nëvojë për boshllëk, të relakshen, të shohin budallallëqe, të qetësohen. Se në fakt kur e mendon, ç’është e gjitha kjo që ne jetojmë, një hiç”, tha ndër të tjera Çani. Më poshte po ju sjellim edhe videon e plotë që tregon një ditë prej fillimit deri në fund të moderatorit.