Arian Çani: Sherri im me Klan-in?! Janë sajime…

Prej më shumë se një dekade mbrëmjen e së premtes e ka pushtuar një nga emisionet më ektravagantë të ekranit shqiptar, “Zonë e lirë”. Lajmi se ky emision nuk do të transmetohet më sezonin e ardhshëm, i ka trazuar jo pak fansat e tij. Thashethemet flisnin për një konflikt midis moderatorit të njohur Arian Çani dhe pronarit të tv Klan Aleksandër Frangaj, e të tjerë zëra rrëfenin se ky i fundit e kishte zëvendësuar Çanin me një tjetër moderator e komedian të njohur, Ermal Mamaqin. I kontaktuar nga “Bluetooth”, Çani rrëfen se thashethemet e ditëve të fundit janë të pavërteta. “Gjithçka është e pavërtetë. Janë sajime. “Zonë e lirë” do të vazhdojë normalisht çdo të premte në “Klan”, ka thënë Çani, teksa refuzon të komentojë vazhdën e fjalëve të dala nga siç i quan zakonisht ai, “gojët e liga”./ Bluetooth