Kohët e fundit Ariana Grande është rikthyer fuqishëm në tregun muzikor. Vetëm pak javë më parë ajo publikoi këngën “Thank u next” dhe pak orë më parë ka prezantuar projektin me titull “Imagine”.
Kënga flet për një histori dashurie që ka përfunduar, por që vajza nuk e ka pranuar ende ndarjen dhe imagjinon sikur të jenë bashkë. Pas këtyre fjalëve, fansat janë të bindur se kënga i dedikohet të ndjerit Mac Miller. Ata shprehen se Mac në krahun e tij kishte një tatuazh ku shkruante “Imagine”. Gjithashtu shtojnë se një pjesë e tekstit është frymëzuar nga vargjet e këngës “Cinderella” të reperit të ndjerë.
“Dhe kur të kesh uri do të të mbyll gojën me ‘stir fry’” – Mac Miller, “Cinderella”.
“Qëndrojmë zgjuar gjithë natën, do të porositësh ‘pad thai’” – Ariana Grande në këngën “Imagine”.
Gjithsesi, ende nuk është konfirmuar nëse i dedikohet Miller, por nuk është çudi pasi këngëtarja tashmë ka vërtetuar se pjesën më të madhe të këngëve i ka të frymëzuara nga histori personale.
