Ariana Grande u këndon ish-partnerëve në këngën e re

Ariana Grande pak kohë më parë njoftoi të gjithë fansat e saj se do të publikonte disa këngë të reja, që lidhen edhe me jetën e saj private. Në këngën e saj më të re ‘Thank you, next’, këngëtarja i këndon ish të fejuarit të saj, Pete Davidson dhe ish të dashurit, të ndjerit Mac Miller. Pavarësisht se ata nuk janë më në jetën e saj, Ariana i falenderon për kohën që ka kaluar me ta dhe gjërat që ka mësuar prej tyre. “Njëri më mësoi dashurinë/ Njëri më mësoi durimin/ Njëri më mësoi dhimbjen/ Tani jam e mahnitur/ Kam dashuruar dhe kam humbur”, – thotë këngëtarja në një pjesë të këngës. Në fund të saj, Ariana deklaron se e gjitha ka qenë një eksperiencë shumë e mirë për të dhe se tani ka njohur një njeri të ri. /revistawho.com