Ariana Grande i ka lënë fansat të shqetësuar për shëndetin e saj. Këngëtarja 29-vjeçare postoi në TikTok një video ku me shaka tallej me veten e saj për grimin që përdorte dikur.
Fansat reaguan shpejt në Twitter për të shprehur shqetësimin e tyre se ajo dukej ndryshe nga zakonisht.
“Ajo duket e kequshqyer,” pohoi një person. Një tjetër shkroi në Twitter: “Sa herë që shoh fotografi të kësaj vajze duket ndryshe”.
Një person i tretë shkroi: “Shpresoj që ajo të jetë mirë”
Kritikat për pamjen e Arianës vijnë pasi ajo bëri një lutje për fansat për të qenë “më të kujdesshëm me komentet për trupat e njerëzve”.
Në një video të shpërndarë në rrjetet sociale, ylli tha: “Unë mendoj se duhet të jemi më të butë dhe më të kujdesshëm duke komentuar trupat e njerëzve, pa marrë parasysh çfarë. Nëse mendoni se po thoni diçka të mirë apo me qëllim të mirë, çfarëdo qoftë ajo, e shëndetshme apo e pashëndetshme, e madhe apo e vogël, kjo apo ajo, seksi apo jo seksi, ne duhet të punojmë vërtet që të mos e bëjmë këtë. Ka mënyra për të komplimentuar dikë ose për të injoruar diçka që shihni dhe që nuk ju pëlqen Unë mendoj se ne duhet të ndihmojmë njëri-tjetrin të punojmë drejt të qenit më të sigurt. Personalisht për mua, trupi me të cilin keni krahasuar trupin tim aktual ishte versioni më i pashëndetshëm i trupit tim. Unë isha duke marrë shumë anti-depresivë, duke pirë dhe duke ngrënë keq dhe në momentin më të ulët të jetës sime dukesha ashtu si ju e konsideroni të shëndetshëm trupin tim, por në fakt nuk ishte e shëndetshme për mua.”
