Ariana Grande vendos politika të reja, askush nuk mund të përfitojë më në kurriz të saj

Ariana Grande shumë shpejt do të caktojë një ligj të ri për të gjithë fotografët që duan të marrin pjesë në koncertet e saj. Pas këtij vendimi duket se ka një arsye shumë të fortë, sepse në të kaluarën Ariana është përdorur nga fotografët për përfitime personale. Burime pranë këngëtares kanë treguar për “TMZ” se Ariana është shfrytëzuar prej vitesh nga agjencitë fotografike që shkrepin foto të saj gjatë koncerteve, të cilat i përdorin më pas për fitime monetare. Sipas ligjit të ri që ajo ka vendosur, fotografët do mund të shkrepin sa foto të duan në koncertet e saj, por më pas duhet të marrin miratimin e këngëtares për publikimin e tyre. Sigurisht që “Shoqata Kombëtare e Fotografisë dhe Shtypit” nuk e pëlqen aspak këtë politikë të re, por mesa duket këngëtares nuk i intereson më asgjë tjetër përveç vetes. Për më tepër Ariana ka fotografët e saj personalë, të cilët mund të shpërndajnë çdolloj fotografie që ajo pëlqen.  /revistawho.com