Arilena Ara po i kalon muajt e fundit në Amerikë, pasi disa ditë më parë ajo tregoi se këngën fituese “Shaj” të Festivalit në RTSH është duke e përgatitur në një studio mjaft të njohur atje. Qëndrimi i saj në Los Angeles ka bërë që ajo të vizitojë edhe bulevardin e njohur “Walk of Fame”. Gjatë shëtitjes në këtë bulevard Arilena ka ndaluar tek ylli i mbretit të muzikës pop Michael Jackson. Në llogarinë e saj në Instagram ajo ka postuar një foto mbi emrin e legjendës së muzikës ku shkruan: “Gjithmonë, frymëzimi im”, duke treguar kështu se ai ka qenë gjithmonë idhulli i saj. Arilena Ara pritet të përfaqësoje Shqipërinë denjësisht në Eurovizion dhe prej kohësh ajo po punon fort që performanca e saj të jetë mjaft e arrirë.
