Të shtunën që lamë pas këngëtarja Arilena Ara ishte e ftuar në emisionin ‘Xing me Ermalin’. Si rrallëherë ajo vendosi të fliste për babain e saj të ndjerë dhe të tregonte se askush nuk mund ta zërë vendin e tij. Pas shumë mesazhe mbështetjeje dhe të mbushura me dashuri nga gjithë fansat e saj, Arilena i ka dedikuar disa fjalë shumë emocionuese njeriut të saj më të shtrenjtë. “Babi nuk do më mjaftojë një jetë për të treguar dashurinë e madhe që kam për ty. Unë vazhdoj të të them mirëmëngjes dhe natën e mirë çdo ditë! Është ndjesia më e bukur të thërrasësh baba. Faleminderit për mesazhet e bukura që më keni dërguar. Dashuri, Arilena”, – ka shkruar këngëtarja.
https://www.instagram.com/p/Bqc_OD2Hplv/
Pavarësisht se nuk preferon të flasë shumë për jetën e saj në krahasim me karrierën, Arilena e ka gati të pamundur të mos kujtojë në momente të veçanta babain e saj. /revistawho.com
