Arjola Shehu jashtë spotit të ri të “Klan”, moderatorja zhvendoset në “Top Channel”?

Sezonin e kaluar Arjola Shehu u bë pjesë e televizionit ‘Klan’ dhe asaj ju besua moderimi i emisionit ‘Kush vjen për drekë’. ‘Klan’ ka prezantuar spotin për sezonin e ardhshëm dhe në të vihet re mungesa e moderatores Arjola Shehu. Për të qartësuar këtë situatë ‘revistawho.com’ kontaktoi gjatë ditës së sotme moderatoren, por ajo nuk ka kthyer asnjë përgjigje. Megjithatë burime pranë ‘revistawho.com’ bëjnë me dije se gjatë paradites së sotme, Arjola është parë në ambientet e “Top Channel”. Ende nuk dihet nëse është arritur një akord mes moderatores dhe drejtuesve të televizionit dhe gjithashtu mbetet enigmë programi i propozuar, por të gjitha gjasat janë që Arjola Shehu të shfaqet nën logon e “Top Channel” sezonin e ardhshëm. /revistawho.com