Arjola Shehun u mësuam ta shihnim në emisionin e mëngjesit në “RTV Ora”, rrugëtim që e mbylli pak muaj më parë, me një falënderim të gjatë, por edhe me një premtim se do të rikthehet me projekte të reja. Dhe premtimin e mbajti. Një rrugëtim i ri në “RTSH 1”, nga ku do e shohim si autore dhe moderatore. Një emision për nostalgjinë dhe emocionet e “Festivalit të Këngës”, që titullohet “Parafest”. Çdo të diel, në orën 21:00 me Arjolën, për këngën, historinë e saj, emocionet, e kujtimet e një festivali që numëron vitin e 62-të….
