Arjon Muça është imazhi i ri i emisionit “Living” dhe në këtë rrugëtim ai do të jetë krahas moderatores Brunilda Lahe. Dyshja do të sjellin për publikun stilet, tendencat, modën dhe çdo gjë tjetër ‘lifestyle’ që është interesante për publikun shqiptar.
Teksa më 22 shtator moderatori do të ketë daljen e parë në këtë emision, i emocionuar ka treguar disa detaje në një intervistë për revistën “Living”. I pyetur se si ndihet pranë moderatores së re që do të ketë në krah, Arjoni zbuloi se përpos marrëdhënies shumë të afërt, Bruna ka qenë personi që e ka shoqëruar në daljen e tij të parë.
“Bruna është personi që më ka shoqëruar në daljen time të parë televizive këtu e 10 vite më parë, njihemi familjarisht dhe kemi marrëdhënie shumë të mirë dhe jashtë ekranit. Ka një respekt reciprok dhe një besim të dy anshëm. Bruna ishte personi i parë që më dha lajmin e bukur të kësaj aventure të re dhe për të cilën doja ta falenderoja për lakimin e emrit tim në ketë projekt. Duke përfituar nga rasti doja dhe të falenderoja stafin drejtues dhe vete Xhanin për kalimin e kësaj stafete sepse ishte dhe ai promotor ne këtë rrugëtim”.
Arjon Muça në këtë emision ka zëvendësuar Xhani Shqerrën, i cili ka qenë prezantues i programit për disa vite./revistawho.com
https://www.youtube.com/watch?v=ZgjDUoapLnw
