Në shtetet e bashkuara të Amerikës, fitorja për Shtëpinë e Bardhë është sinonim i garave të milionave dollarë. Është një garë brenda një gare. Është një lojë vendimtare ku Hillary Clinton ka mbështetje një forcë të madhe femërore.
Zyra e kandidates demokrate është e vendosur në One Pierrepont Plaza në Brooklyn Heights. Në të dy katet e godinës së përshtatur për këtë fushatë, në adresën tashmë të njohur duket se mbizotëron një ambient plot alegri, ku prej disa javësh punojnë të rinj vullnetarë deri në 8 nëntor. Michelle Kwan, 36 vjeçe, dy herë fituese në lojrat olimpike për patinazh artisktik, betohet që në zyrën e Clinton ka një atmosferë me energji tërësisht pozitive. “Ne ndjehemi si në shtëpinë tonë”, – shprehet ajo.
Nga një fushatë elektorale në tjetrën
Në vitin 2012 Barack Obama dhe Mirr Romney arritën të mblidhinin nga 1 milion dollarë secili. Këtë vit sipas ekspertëve, Hillary Clinton e ka kaluar këtë shumë. Për të financuar ambiciet e tyre presidenciale, kandidatët mund të zgjedhin versionin e fondeve publike, por këto të fundit të lëshuara nga Komisioni Elektoral Federal janë shumë të limituara. Për këtë arsye kandidatët preferojnë t’u bëjnë apel bizneseve private. Pikërisht këtu hyn në lojë brigada e personaliteteve që mbështesin kandidaten të ashtuquajturat “Hillblazers” (Komiteti Kombëtar Financiar – i përbërë nga personazhe që kanë kontribuar më shumë se 100 mijë dollarë secili për fushatën Hillary për Amerikën).
Pasi kanë dhënë kontributin e tyre monetar, detyra e tyre është të bindin të afërmit dhe familjarët të kontribuojnë për fushatën. Lista e tyre gjendet në website-n e Hillary Clinton dhe janë rreth 500. Afërsisht gjysma e tyre duket se janë femra të cilat jetojnë në California, New York dhe Chicago. Femra brilante, besnike dhe shumë të pasura, të cilat njohin gjithë teknikat e nevojshme për të gjuajtur dollarë si nëpërmjet internetit apo edhe në mënyra tradicionale duke dërguar korrierë nëpër evente të ndryshme për të mbledhur fonde. Dhe janë pikërisht këto të fundit që nëpërmjet drekave, koktejleve apo darkave që zgjasin me orë të tëra i ofrojnë të ftuarve nga një biletë hyrjeje për të takuar kandidaten demokrate apo njerëzit e afërt të saj. “Hillary Clinton ka ditur të mbajë pranë vetes femra që i kanë ndenjur besnike”, – shpjegon Anthony Corrado, politolog pranë Brookings Institution, gjithashtu autor i shumë librave mbi financimet politike. “Karakteri historik i kandidaturës së saj pëlqehet shumë. Është një motivim më shumë”, – nënvizon ai. Por mbështetësit e “Hillblazers” nuk kalojnë pa u vënë re. Performancat e tyre varen nga shpërblimi pas fitores megjithëse zyrtarisht ato nuk duhet të presin asgjë në këmbim. Motivimi gjendet aty, një lloj tradite politike. Dhe besnikët më të mëdhenj do t’u shpërndahen ambasadave. Si rasti i mbështetësit të Barack Obamës, Louis Susman i cili u bë ambasadori i Britanisë si dhe Bruce Heyman i cili është ambasadori i Kanadasë. Secili prej tyre kishin kontribuar disa miliona dollarë në fushatën e presidentit aktual.
Shikoni fotot për të njohur stafin e Hillary Clinton.
Jennifer Palmieri 48 vjeç, është drejtoreshë e komunikimit për këtë fushatë. Deri në shkurt të 2015 ajo ishte drejtoreshe e komunikimit në Shtëpinë e Bardhë.
Stephanie Hannon merret me të gjithë aspektin dixhital të fushatës.
Amanda Renteria pas studimeve në Standford dhe Harvard është këshilltare politike e Hillary Clinton.
Mandy Grunwald ka mbaruar studimet në Harvard dhe është e bija e redaktorit të njohur të gazetës “The Times”. Ajo është shoqëruesja e Clinton në çdo event.
Kristina Schake është kuratore imazhi e figurës së Clinton. E njëjta që i sugjeroi presidentit Barack Obama të kërcente në emisionin e Jimmy Fallon.
Karen Finney, zëdhënëse e fushatës.
Stephanie Schriock mbulon anën finaciare të fushtës.
Chelsea Clinton ka vendosur të jetë mbështetëse e nënës së saj. Ajo është shumë e preferuar nga publiku dhe gjithashtu njihet si Presidente e Fondacionit Clinton.
