Armela përlotet nga babai: E vuaj faktin që nuk e takoj

Siç është shkruar edhe më përpara në media, Armela është rritur nga mamaja pasi prindërit janë ndarë para se ajo të lindte dhe babai i saj ka krijuar familje tjetër. Ajo tregoi momentin kur e ka parë për herë të parin babain dhe se imazhin e tij e kishte pasur në mendje vetëm nga një foto. Babai i Armelës i ka bërë një surprizë asaj mbrëmjen e sotme ku nëpërmjet një mesazhi u shpreh se ajo ka shumë të përbashkëta me të. “Armela është e brishtë. Kemi karakter të përbashkët dhe kur kemi një qëllim duam ta arrijmë. Momenti më i vështirë ka qenë kur i kam treguar tim biri që ka një motër. Ai e priti shumë mirë. Ata ngjajnë shumë dhe kanë marrëdhënie shumë të mirë. Kjo më kënaq. I uroj gjithë të mirat dhe i lej porosi shkollën. Armela duhet të bëjë shkollën. I them që e dua shumë”, -ishte ky mesazhi nga babai. Me lot në sy Armela u shpreh se shpreson që babai ta kuptojë për ato që thotë pasi ajo nuk është rritur me një figurë atërore. “Jemi vërtet shumë të ngjashëm. Shpresoj që të më kuptojë për ato që them. Babi e di që Mela kështu është. Nuk ka njeri që e vuan më shumë se unë faktin që nuk e takoj përditë”, -u shpreh Armela./revistawho.com