Damiano dhe Armela ishin një ndër çiftet më të pëlqyer këtë edicion të “Big Brother”. Të dy ishin konkurrentë të fortë, por që nuk mundën ta vazhdonin lojën e tyre për shkak të thyerjes së rregullave nga Damiano, gjë që çoi edhe në penalizimin e Armelës. Pas daljes nga “Big Brother”, pyetja më e shpeshtë që u është bërë të dyve është si do të vazhdojë marrëdhënia e saj me Damianon. Dhe këtë përgjigje e ka dhënë një herë e mirë Armela. Me anë të një postimi në Instagram ish-banorja sqaroi se marrëdhënia e saj me Damianon do vazhdojë në kuadrin shoqëror dhe se ajo u lidh me të për t’iu përshtatur rregullave të këtij edicioni. “Dua të deklaroj që kam qenë, jam dhe mbetem një femër e lirë dhe e pavarur”, -shkruan Armela./revistawho.com
