Kantautori i njohur, Armend Rexhepagiqi u rikthye në skenë disa muaj më parë duke risjellë dhe njëherë këngën ‘Harrova’ në albumin ‘Fortuna’ të këngëtares Tuna.
Dyshja vendosën të sjellin bashkë një këngë të vjetër të Rexhepagiqit, por me një orkestrim të ri, e cila u kthye menjëherë në hit dhe numëron 2.4 milionë klikime në kanalin e ‘Youtube’. Megjithatë mbrëmjen e kaluar në hapjen e klubit të natës ‘Zone Club’ në Prishtinë, Armendi vendosi të këndojë pas kaq kohësh ‘live’ për publikun.
Përveçse performoi së bashku me Tunën, Armendi nuk u largua nga skena pa kënduar dhe këngën ‘Dashurinë ku e kam’.
Padyshim që artisti i dashur u duartrokit gjatë nga të gjithë njerëzit të cilët i dinin përmendësh këngët e tij. Kujtojmë se kjo është dalja e parë që Armendi interpretoi në një skenë të madhe me një publik si ai i djeshmi, pas shumë vitesh mungesë në skenën shqiptare./revistawho.com
https://www.instagram.com/p/ByuHpcugYvf/
