Djali i ish-Kryeministrit të Shqipërisë Sali Berisha, ka ndryshuar pak orë më parë fotografinë e tij të profilit në llogarinë e Facebook. Shkëlzen Berisha ka vendosur një foto të re ku shfaqet teksa pozon i buzëqeshur pranë detit. Ka qenë e dashura e tij Armina Mevlani e cila ka realizuar këtë pozë, dhe madje ka kërkuar edhe meritat. Me dashuri Shkëlzeni i është përgjigjur se kuptohet lehtë se nga kush është fotografuar, pasi duket nga buzëqeshja e tij. Kështu çifti megjithëse e di se mijëra sy kuriozë i ndjekin, nuk hezitojnë ta shfaqin publikisht dashurinë për njëri-tjetrin. Madje flitet se lidhja e tyre pritet që së shpejti të bëhet më serioze, pasi tashmë Armina mban një unazë në gishtin e fejesës.
