Gjatë këtyre dy ditëve, mediat vendase janë marrë me çmimin e fustanit që Armina Mevlani veshi në sfilatën e “Versace” gjatë Javës së Modës në Milano. Sipas të dhënave që figurojnë në internet, ky fustan ka vlerën e 2250 dollarëve, por në rastin e Arminës ajo nuk ka shpenzuar asnjë cent. Përmes një komunikimi në “Facebook” me të gjithë ndjekësit e saj, bukuroshja shqiptare sqaron mediat mbi këtë aludim: “Për të gjitha mediat që shqetësohen për çmimin e fustanit tim, tashmë fale blogg-ut për të cilin po punoj çdo ditë, krahas ftesave, edhe shumë prej veshjeve të mia reklamohen si pasojë e bashkëpunimit me vetë firmat dhe dyqanet e markave. I tillë ka qenë edhe ky fustan dhe shumë prej veshjeve të tjera gjatë javës së modës”, – përfundon Armina, e cila këto ditë ka qenë prezente në sfilatat e stilistëve shumë të rëndësishëm në industrinë e modës duke krijuar kështu kontakte të reja.
Fundja ky është lezeti i të bërit ‘blogging’, firmat të zgjedhin ty që të reklamosh veshjet e tyre dhe kësisoj për gjithë dukjen tënde kujdeset marka, pa shpenzuar asnjë para. Janë të shumta rastet e blogger-eve në botë, që vishen nga brand-e të ndryshme, në evente të ndryshme, ftesat për të cilat i sigurojnë sërish falë blogg-ut.
