Bloggerja e njohur Armina Mevlani, ka pësuar së fundmi një aksident si pasojë e të cilit ka thyer kyçin e këmbës. Për këtë shkak bukuroshja nuk do të mundet të jetë pjesë e Javëve të Modës në Milano dhe Paris.
“Current situation! Kjo është gjendja ime prej 5 ditësh, që më ka bërë deri diku inaktive. Ndonjëherë e ngarkojmë veten me shumë punë, apo strese ditore pa kuptuar se sa i rëndësishëm është shëndeti. Fraktura në kembe do më zgjase 1 muaj e dy javë, në vështirësi për të ecur dhe ku më ndodhi, fiks nje ditë pas Shën Valentinit dhe jo duke bërë seancën e përhershme të jogës apo palestrës, por thjesht duke ecur në rrugë. Nuk do ta kem të mundur pjesëmarrjen në shumë aktivitete, ashtu sikurse as në Javën e Modës, e cila është pjesë e punës sime në blogg, por jam duke e parë pozitivisht si një pushim (edhe pse në dyqan do vazhdoj të jem e pranishme) nga udhëtimet për punë. Gjithmone kur diçka e tillë ndodh themi “syri i keq”, por realisht duhet të jemi falenderues Zotit që na jep shëndet, të tilla gjëra janë të parëndësishme kur mendoj se ka shumë njerëz të cilët vuajnë nga sëmundje shumë të rënda! Amin”, – ka shkruar Mevlani.
