E ftuar në “Xing me Ermalin”, blogger-ja Armina Mevlani ka treguar planet e saj për martesë me partnerin e saj Shkëlzen Berisha dhe marrëdhëniet që ka me familjen Berisha.
Pyetja e parë që Ermal Mamaqi i bëri Arminës, ishte të tregonte planet e saj për të ardhmen.
“Jemi në ato hapa, por nuk kemi vendosur datë, asgjë”, – ka qenë pergjigjja e blogger-es së njohur.
Armina ndau me publikun edhe dhuratën që i bëri ish-Kryeministrit Sali Berisha për ditëlindjen që kishte para disa javësh.
“I bëra dhuratë simbolin e peshores duke qenë se është shenja e peshores”, – u shpreh 25-vjeçarja.
Njëkohësisht, Armina u ka kthyer përgjigje edhe kritikëve për udhëtimet e saj të shpeshta në sfilatat e modës.
“Që në moshën 19-vjeçare kam punuar dhe kam patur mundësinë që t’i realizoja vetes disa gjëra”, – tha blogger-ja duke sqaruar se janë showroom-et përkatëse që organizojnë sfilatat e modës dhe marrin përsipër akomodimin e të gjithë të ftuarve që marrin pjesë.
Drejtuesi i emisionit ka pyetur blogger-en e njohur edhe për marrëdhënien që ka me ish-Kryeministrin Sali Berisha dhe bashkëshorten e tij Liri Berisha. Mamaqi kujtoi se sipas traditës në Tropojë, nusja i lan këmbët vjehrrit dhe a është e gatshme Armina ta bëjë një gjë të tillë.
“I kam respektuar traditat me vallen e Tropojës për kërcim. Larjen e këmbëve do ta bëja për babain tim dhe për vjehrrin vetëm në rast nevoje”, – ka thënë 25-vjeçarja.
Në studio nuk kanë munguar dhe surprizat, teksa Armina ka treguar aftësinë e saj në kërcim, por ka treguar edhe një anë tjetër të saj, të bëri rep.
Mevlani ka sfiduar Mamaqin në këtë zhanër duke e mundur me vargje. Madje ajo ka “rrëfyer” edhe sesi Ermali ia kishte dalë për ta sjellë në studio duke “qarë dhe duke u lutur”.
