Java e Dizajnit në Milano këtë vit ishte një mrekulli. Përvoja nëpër art dhe kreativitet arriti nivelin e saj më të lartë. Një prej instalacioneve më unike të dizajnit u shfaq në Milano si një yjësi lulesh. Një shtresë e paimagjinueshme emocionesh, në “Salone dei Tessuti” nga Marc Antoine Barrois. Një instalacion që shkruhet në “Mission Aldebaran”.
I krijuar në bashkëpunim me artistin Antoine Bouillot, instalacioni shënoi një konvergjencë të fuqishme të aromës, hapësirës, skulpturës dhe historisë. Më shumë se thjesht një pasqyrë produkti, dyshja krijoi një vepër arti, një arratisje nga furia e qytetit, e bazuar në aromë dhe dizajn perfekt. Jo vetëm lançim i fragrancës “Aldebaran”, por një instalacion që krijoi një udhëtim shpirtëror përmes introspektivës.
Një udhëtim përmes dritës, aromës dhe materialit
I vendosur në sfondin e skenës së madhe të dizajnit të Milanos, Mission Aldebaran ofroi një përvojë të plotë të të gjitha shqisave në strukturat konvencionale të salloneve të ekspozimit. Vizitorët u futën në një kub pasqyrë përmes të cilit atmosfera dukej sureale. Një pyll me litarë të varur qetësisht duke krijuar iluzione mes asaj që mund të prekësh dhe asaj që mund të imagjinosh.
Hapësira e errët, medituese që i lë vendin një tjetër hapësire qiellore, të ndriçuar nga lart nga një instalacion që i ngjan një ylli. Në qendër, lulëzoi tuberosa prej letre, e gjitha e magjespur nga aroma e Aldebaran. Kontrasti mes hijes dhe ndriçimit, imitoi një tranzicion emocional, duke reflektuar më pas një gjendje të pastër, të qartë.
Një rrëfim i drejtuar nga yjet
Emri Aldebaran është nxjerrë nga Aldebaran, një yll gjigant i kuq në konstelacionin e Demit. Në arabisht, fjala përkthehet në “ndjekës”, një referencë qiellore që udhëhoqi të gjithë rrëfimin e instalacionit. Ndërsa të ftuarit lëviznin nëpër ekspozitë, ata udhëtonin nga errësira në dritën e yjeve, duke pasqyruar mënyrën se si një udhëtar mund të ndjekë një dritë të largët drejt diçkaje të re.
Ky ndikim kozmik u shtri në gjuhën vizuale të instalacionit. Reflektimet metalike, ndriçimi eterik dhe shkëlqimi i instalacionit përforcuan idenë e Aldebaran-it si një destinacion dhe një gjendje shpirtërore të botës tjetër, por jo të shkëputur nga realiteti.
Dizajni skulpturor takohet me luksin e shqisave
Ndërsa parfumi shërbeu si spirancë konceptuale e instalacionit, komponenti i dizajnit ishte po aq special. Koleksioni debutues i mobilieve të Barrois dhe Bouillot u zbulua brenda të njëjtit mjedis, duke pasqyruar bashkëpunimin e tyre në formë materiale.
Duke marrë shenja nga brigjet me guralecë të Belle-Île, çdo karrige dhe stol në serinë me botim të kufizuar ngjante me gurët e lëmuar bregdetarë. Të punuara nga druri dhe të veshura me elemente organike skulpturore, pjesët arritën një ekuilibër midis natyrës dhe formës, me funksionalitetin ergonomik të zbutur nga profile të rrumbullakosura, pothuajse abstrakte. Këto nuk ishin vetëm pjesë mobilieshm, ato ishin objekte që mbanin të njëjtën energji medituese si aroma e parfumit.
Përfshirja e mobilive nuk e shpërqendroi vëmendjen nga parfumi, por i dha zë përvojës së Aldebaran në sferën fizike të prekjes dhe pranisë, duke lejuar aromën dhe materialin të bëhen bashkë.
Më shumë se një prezantim i produktit
Në një javë të dominuar nga ekspozita dhe dizajni maksimalist, “Mission Aldebaran” i ftoi vizitorët për një përvojë unike. Në vend që t’i mbingarkonte shqisat, ai i krijoi si një koreografi përmes ndriçimit, aromës, formave dhe teksturave që funksionuan së bashku për të treguar një histori të transformimit të brendshëm dhe të jashtëm.
Me Aldebaran, Marc Antoine ftoi adhuruesit e parfumeve të përqafonin aromën në një përvojë të plotë, intime, të thjeshtë, me shumë emocione.
Duke bashkëpunuar me Antoine Bouillot, ndjeshmëria e dizajnit të të cilit favorizon linjat e pastra dhe materialitetin delikat, të dy arritën të krijojnë një botë shumëdimensionale, një botë që bën jehonë përtej ekspozitës së parfumeve dhe mobilieve.
Trashëgimia e “Misionit Aldebaran“
Megjithëse instalacioni përfundoi me fundin e Javës së Dizajnit të Milanos më 13 prill, ndikimi i tij vazhdon. Ai sfidoi atë qëmund të ishte një prezantim i produktit dhe na kujtoi se çfarë dizanji mund të arrijë. Nuk ishte vetëm për t’u parë dhe nuhatur, por për të krijuar histori.
Mission Aldebaran” ishte më shumë se instalacion. Ai dha një mesazh: luksi nuk qëndron vetëm në atë që zotërojmë, por në mënyrën se si ndihemi dhe mjediset që krijojmë për të krijuarndjesi në përjetësi…
