Stresi vazhdimisht na ka treguar për lidhjen e ngushtë me nënën e tij, Shpresën. Për herë të parë ata kanë dalë bashkë në një emision ku kanë folur për marrëdhënien dhe përjetimet e nënës së tij pas lajmeve për të birin e saj. Një nga ngjarjet e cila bëri bumin mediatik, ishte arratisja e papritur e këngëtarit nga komisariati. Pasi u arrestua për shkeljen e rregullave të qarkullimit, Stresi u arratis duke u hedhur nga kati i 3 komisariatit. Ky lajm pa u komunikuar si fillim tek familjarët e tij, u përhap shumë shpejt në të gjitha mediat. Lidhur me këtë ngjarje ka folur sot nëna e tij, në emisionin ‘Rudina” në të cilin ka treguar për tmerrin e përjetuar: “Në momentin e parë kur lexova lajmet u tmerrova, mendova si është djali im, mos ka thyer këmbën duke qenë se ishte një lartësi e madhe”, ka treguar ajo, ndërkohë që e konsideron si një veprim të gabuar arratisjen e Stresit.
