Aktori i njohur i humorit, Rrezart Veleshnja, është arrestuar nga policia, nën akuzën për mashtrim, por pas zhvillimeve në seancën gjyqësore, ai u lirua me masën “detyrim paraqitje.” Ja detajet e ngjarjes dhe si reagoi aktori mbi akuzat.
Arsyeja e arrestimit
Sipas një njoftimi nga Policia e Durrësit, Veleshnja akuzohej për shitjen e një automjeti që s’ishte i tiji në mënyrë të paligjshme. Policia deklaroi:
“Specialistët për Hetimin e Krimeve të Komisariatit të Policisë Durrës ndaluan shtetasin R. V., banues në Tiranë, pasi, me anë të mashtrimit, i ka marrë një automjet shtetasit Y. T. dhe më pas e ka shitur.”
Veleshnja, i cili ka qenë një figurë e njohur në ekran për vite me radhë dhe pjesëmarrës i spektaklit “Big Brother VIP Kosova 3,” u përball sot me një seancë gjyqësore në Durrës. Gjykata konstatoi se arrestimi i tij ishte i paligjshëm dhe caktoi masën “detyrim paraqitje” për aktorin.
Reagimi i Veleshnjës
Pas lirimit, aktori reagoi përmes një videoje në rrjetet sociale, ku shpjegoi versionin e tij të ngjarjes. Ai u shpreh:
“Ju përshëndesim nga Pogradeci! Ideja është që është një automjet që e kam përdorur unë. Ai automjet kishte humbur, ndërkohë që unë thjesht e kam përdorur. Dhe sot e kësaj dite është gjetur se kush e ka pasur. Kaq! Nuk ka asnjë gjë këtu, jo u arrestua, jo… turp! Ishte një automjet që kishte humbur, kaq! E kam përdorur dikur, por unë s’kam lidhje më me atë makinë pasi e kam hequr.”
Në rrjetet sociale, fansat dhe ndjekësit e tij kanë ndarë opinione të ndryshme, duke përfshirë edhe mbështetje për aktorin, i cili vijon të jetë një nga figurat më të njohura të humorit në Shqipëri.
