Për të gjithë personazhet e famshëm, rrjetet sociale janë kthyer në mënyrën më të mirë për të komunikuar me ndjekësit e tyre. Në rrjetin social ‘Instagram’, disa personazhe të famshëm shqiptar kanë arritur me miliona ndjekës. Mund të përmendim këtu Encën, Luana Vjollcën, Noizy dhe së fundmi edhe reperi shumë i dashur për publikun Ledri. Duke qenë se Ledri Vula ka arritur kaq shumë ndjekës në ‘Instagram’, moderatorja e njohur Albana Osmani i ka kërkuar ‘një nder’ të vogël. Ajo ka postuar këngën më të fundit të Ledrit dhe ka shkruar: “Ledri meqë po e bëj ‘Repost’ videon tënde që mua po më pëlqen më së shumti këto ditë, tani pres ta veshësh bluzën luledielli e ta postosh para 1 milion ndjekësve të tu. Do të presim unë dhe Xheri me pa qysh po të rrin.” E menjëhershme ka qenë dhe përgjigja e reperit “Me gjithë qejf” ka shkruar Ledri duke e shoqëruar me një ‘emoji’ zemër. /revistawho.com
