Arritje e rrallë për Elvana Gjatën, këngën e re ia ka bërë ylli i muzikës botërore

Ditën e djeshme Elvana Gjata njoftoi përmes një videoje, se në datën 14 të këtij muaji, pra pas pak ditësh, do të dalë në treg kënga e saj e re me titull “Identity”. Nga videoja e Elvanës, që po e sjellim edhe një herë më poshtë, dallohet qartazi se bëhet fjalë për një punë mjaft cilësore, e denjë për t’u prezantuar në tregun botëror. Ajo që u zbulua më pas, na bindi edhe më shumë për këtë. “Anabel.al” ka mësuar se klipi i publikuar në rrjetet sociale i paraprin një bashkëpunimi të jashtëzakonshëm. Sipas burimeve të kësaj faqeje, mendohet që kënga e parë në anglisht ka si autor yllin e muzikës botërore David Guetta, e sigurisht që suksesi është i garantuar. Kjo është një arritje e rrallë për një artiste shqiptare.