Arritje për teatrin! Kjo është shfaqja shqiptare që u zgjodh nga dy festivale të huaja

“E lumtur është pak të thuash! Faleminderit Hervin Çuli për këtë super mundësi që na krijove. Mirënjohje Teatri Kombëtar! Mirënjohje stafit të teatrit! Dhe në fund mirënjohje 10.000 miqve tanë të “Zbutjes së kryeneçes”! Faleminderit Shekspir! Shihemi në Kinë”! Kështu shfaq lumturinë dhe krenarinë për arritjen e rëndësishme të teatrit falë shfaqjes së saj, regjisorja Elma Doresi. Pikërisht “Zbutja e kryeneçes” është përzgjedhur të marrë pjesë në dy festivale të rëndësishme ndërkombëtare, në Kinën e largët. Kryevepra e Shekspirit sjellë në skenën e Teatrit Kombëtar tani do të luhet në dy qytete të Kinës, në muajin shtator në festivalet “The silk Road” dhe “International Theatër Festivale”. Në këtë shfaqje luajnë emra të njohur të teatrit në Shqipëri si Gladiola Harizaj, Sokol Angjeli, Neritan Liçaj, Devis Muka, Vangjel Toçe etj./ revistawho.com