E enjtja është një ditë e ngjeshur për aktorët e skenës politike shqiptare. Sot veç seancave parlamentare, gjatë pasdites janë planifikuar edhe komisione të posaçme. Ndaj do të jetë e vështirë që dy nga emrat më të rëndësishëm të partive të mazhorancës të festojnë. Pikërisht sot kryetari i Lëvizjes Socialiste për Integrim Ilir Meta dhe Ministri i Jashtëm Ditmir Bushati festojnë ditëlindjen. E teksa lajmi për 47-vjetorin e Kryetarit të Kuvendit qarkullon prej mëngjesit, që është ditë e shënuar edhe për Kreun e Diplomacisë shqiptare u zbulua gjatë parlamentit. Deputetja Arta Dade tha në nisje të fjalimit të saj se dhe Bushati ka përvjetor. Teksa në orët në vijim presim të zbulojmë se ku kanë festuar dy politikanët, po i urojmë edhe 100.
Arta Dade bën zbulimin, sot PS e LSI dy gëzime në një ditë
