Vetëm pak orë më parë u dha lajmi i trishtë për ndarjen nga jeta të një prej parodistëve të Vlorës. Humoristi i njohur Muhamet Lika që për shumë vite e ka bërë publikun të argëtohet me batutat dhe të qeshurat që ka dhuruar, ka humbur jetën në Itali në moshën 65-vjeçare. Mësohet se shkak janë bërë problemet serioze që ka pasur me zemrën, të cilat e detyruan të largohet nga skena kohë më parë.
Kujtojmë se Muhamti ka qenë pjesë e grupit të humoristëve ‘Parodistët e Vlorës’ të cilët kanë një karrierë të gjatë në skenat shqiptare. /revistawho.com
