Aktori i njohur humorit, Fadil Hasa ka ndërruar jetë mëngjesin e kësaj të hëne në moshën 78-vjeçare. Ai vuante prej kohësh nga një sëmundje e rëndë në mushkëri. Fadil Hasa gjithmonë është vlerësuar nga publiku shqiptar, për shkak të humorit të tij të spikatur dhe modestisë si artist.
Aktori durrsak ka marrë pjesë në disa role në film dhe teatër. Ai ka luajtur në disa filma si: “Zëvëndësi i grave”, “Kronikë Provinciale” dhe “Mao Ce Dun”, film në të cilin fitoi edhe çmimin si “Aktori më i mirë” në edicionin e 13-të “Festivalit Mbarëkombëtar të Filmit”. Fadil Hasa gjithmonë do të rreshtohet në plejadën e shquar të artistëve dhe batutat e tij do të kujtohen dhe mbahen mend brez pas brezi. /revistawho.com
