Artiola Toska, një hit për ‘dashninë’

Bilbili i muzikës popullore shqiptare Artiola Toska, edhe këtë verë do t’i bëjë të gjithë të kërcejnë. Sidomos ata shqiptarë që kanë marrë nuse të huaja, e ndoshta kjo verë i gjen në dasmë. Dihet tashmë që prej dy dekadash shqiptarët kanë emigruar në të gjithë botën, e veç të tjerash, në vendet e ndryshme kanë gjetur edhe dashurinë. Sepse dashuria nuk ka kombësi. Pikërisht këtij fenomeni i këndon Artiola Toska,  në këtë hit për ‘dashninë’. Sakaq Artiola është mësuar tashmë të këndojë kudo ku ka bashkëkombas. Mësohet se artistja tanimë i ka të gjitha datat të rezervuara deri vitin e ardhshëm.