Këngëtarja Miriam Cani, tashmë anëtare e jurisë së “The Voice Kids” ka bërë fansa të saj edhe shumë fëmijë.
Duket se pas përfundimit të puntatës së fundit të spektaklit këngëtares dhe anëtarëve të tjerë të jurisë u është dashur të largohen menjëherë nga skena për shkak të situatës së pa menaxhueshme që krijohet pasi i gjithë publiku ngrihet për t’u larguar.
Por ikja e menjëhershme e tyre ka mërzitur shumë prej fëmijëve që kanë dashur të bëjnë foto me ta. Ka qenë nëna e njërës prej tyre e cila ka komentuar në njërën nga fotot e këngëtares për t’i shprehur zhgënjimin e së bijës.
Miriami i është përgjigjur komentueses dhe ka kërkuar mirëkuptimin e tyre pasi herë pas here situata bëhet e pa menaxhueshme edhe pse sa herë që ka mundësi mundohet t’i kënaqë të gjithë fëmijët./revistawho.com
