Artistët shiptarë me talentin e tyre po depërtojnë thellë në tregun ndërkombëtar. Janë disa emra të njohur, këngët e të cilëve janë kthyer në hite në vendet e huaja. Këtë gjë e ka vërtetuar dhe Offizielle Deutsche Charts (listat zyrtare gjermane) me 100 këngët më të dëgjuara. Në këtë renditje vërehet se janë tre shqiptarë që hyjnë në top 10, madje Loredana Zefi kryeson këtë listë. Ajo është e para në këtë tabelë me këngën “Kein Wort” në bashkëpunim me Juju. Ndërsa, në vend të katërt është Dardan me projektin “Roller”. Pjesë e tabelës është edhe DJ Regard me projektin “Ride It”.
