Pas një periudhe të gjatë debatesh për rikonstruktimin e Teatrit Kombëtar, duket se Bashkia e Tiranës dhe shumë prej artistëve kanë vendosur të realizojnë një marrëveshje më të mirë dhe gati të fillojnë negociatat për një teatër të ri kombëtar.
Ka qenë kryetari i Bashkisë së Tiranës Erion Veliaj i cili ka postuar në “Instagram” një foto së bashku me aktorët Arben Derhemi e Alfred Trebicka si dhe regjisorin Altin Basha duke treguar arritjen e një marrëveshjeje midis palëve.
“Kur ka vullnet, ka rrugëzgjidhje! Mirënjohje nga zemra aktorëve, regjisorëve, arkitektëve, inxhinierëve e sidomos sindikatave e protestuesve! Falë kontributit të secilit kemi një marrëveshje më të mirë dhe jemi sot gati të nisim negociatat për një teatër të ri kombëtar!”-ka shkruar Veliaj./revistawho.com
https://www.instagram.com/p/BkheWhkHOAD/?utm_source=ig_share_sheet&igshid=1uattm50ii2pa
