Angazhimet profesionale nuk e kanë penguar asnjëherë Ledion Liçon të qëndrojë pranë të voglit të tij London Noor dhe partneres, Sara Hoxha. Jo vetëm pushimet në vendet më të bukura, por edhe shëtitjet në natyrë nuk janë të pakta për familjen e tyre. Të gjitha këto janë disa metoda që përdoren nga vetë Ledioni dhe Sara, që London të jetë sa më shumë i mësuar dhe social kur të jetë në një moshë më të madhe.
I vogli i tyre rritet dita ditës dhe prandaj Sara dhe Ledioni gjejnë mënyra të ndryshme për ta edukuar me një frymë intelektualiteti. Ditën e sotme, si një ditë pushimi, Sara dhe Ledioni kanë zgjedhur që të mësojnë Londonin që me anë të gishtave të bashkojë ngjyra të ndryshme dhe me imagjinatën e tij të krijojë një pikturë. Pasi Londoni e mbaroi veprën e tij, babi Ledioni nuk ngurroi ta publikonte dhe në ‘Instagram’.
Përveçse duket që Londoni mund të ketë një të ardhme si artist, Ledioni ka vendosur të jap një mesazh edhe për të gjithë prindërit. Fotografinë ai e ka shoqëruar me një thënie të fuqishme të piktorit të njohur Pablo Picasso: “Të gjithë fëmijët janë artistë. Problemi është si të mbeten artistë kur rriten”. /revistawho.com
