Gjergj Kaçinari e nisi karrierën e tij nga spektakli i talenteve “The Voice” dhe sot identifikohet si një nga zërat më të fuqishëm në tregun muzikor shqiptar. Rrugëtimin në këtë profesion e ka pasur disi të lehtë, duke qenë se ai vjen nga një familje artistësh, sepse babai i tij është një dirigjent e orkestrues mjaft i njohur, Alfred Kaçinari. Megjithatë Gjergji ka arritur të shkëputet nga hija e të atit dhe të identifikohet në muzikë si një ndër rockerët e paktë në vend. Ky talent i artistit shqiptar i ka rënë në sy edhe bandës së njohur të rockut Bon Jovi. Mbrëmjen e djeshme Gjergji ka pasur mundësinë të performojë në një nga baret e Bukureshtit përkrah vetë kitaristit të Bon Jovit, Phil X.
Ditën e sotme Bon Jovi do të mbajë një koncert gjigant në Bukuresht dhe Gjergji ka shfrytëzuar rastin për t’i takuar të gjithë pjesëtarët e grupit dhe për t’u ngjitur në skenë me njërin prej tyre.
Gjithashtu ai ka publikuar në ‘Instagram’ një fotografi përkrah Jon Bon Jovit dhe ka shkruar se ai është akoma dhe më i gjatë nga afër.
Nuk ndodh shpesh që artistët shqiptarë të ndajnë skenën me yjet botërorë, ndaj kjo është me të vërtetë një arritje për Kaçinarin. Së fundmi Gjergji ka publikuar këngën e tij “Forevermore”, për të cilën ka shkruar vetë edhe tekstin e muzikën. /revistawho.com
