Ditën e sotme artisti i mirënjohur shqiptar, Olen esari ishte i ftuari i radhës në emisionin “Ftesë në 5” në “Top Channel”. Në një intervistë përballë moderatores Bieta Sulo, violinisti i shquar si rrallëherë ka zbuluar detaje nga jeta e tij, kryesisht fëmijëria. Ai ka treguar se fëmijëria e tij nuk ka qenë aspak e zakonshme, sepse në atë kohë bënte një jetë ushtarake. Oleni rrëfeu se kur ishte fëmijë ndiqte një regjim strikt, duke u stërvitur dhe mësuar violinën.
“Unë bëja një jetë ushtarake, nuk ja këshilloj asnjë fëmije. Ngrihesha shumë herët në mëngjes dhe bëja gjysmë orë vrap, 1 orë e gjysmë violinë dhe pastaj shkoja në shkollë. Mamaja dhe babai nuk ma diktonin këtë regjim, por më futën në një vorbull që ishte ajo e konkurrimit”, ka treguar Çesari. Pavarësisht se fëmijëria ndoshta nuk ka qenë aq e bukur për të, ai ka shtuar se tani ndjehet me fat që ka ndjekur atë lloj regjimi dhe ka mundësinë të japë koncerte në gjithë botën. Ditët e fundit Olen Çesari është kthyer në Shqipëri për të dhuruar një spektakël së bashku me disa artistë shqiptarë dhe të huaj, në datat 23 dhe 24 prill në “Pallatin e Kongreseve”. /revistawho.com
