Një ndër ikonat e muzikës shqiptare, Irma Libohova, feston sot ditëlindjen e saj të 60-të. Ajo është një ndër këngëtaret më të dashura për publikun shqiptar, kjo për shkak të gjithë prurjeve të saj muzikore ndër vite.
Një ndër urimet më të veçanta që ajo ka marrë ditën e sotme ka qenë ai nga stilisti, Ardi Asllani, i cili ka zgjedhur ta urojë me anë të një postimi në ‘Instagram’ bashkangjitur së cilës ka shkruar: “Ajo është e gjithëkohëshme, ajo është artise, me të u rritëm, me të u bëmë miq, sepse ajo është Irma dhe ne duhet të jemi krenar që jetuam në ‘gjithëkohën’ e saj, sepse ajo nuk ka stinë, është gjithmonë pranverë. I lumtur që kam dëgjuar e dëgjoj muzikën tënde sepse ti je unike. Gëzuar ditëlindjen ikonë e muzikës, të duam fort”.
Përveç këtij urimi kanë qenë të ndryshëm personat të cilët nuk kanë nguruar ta urojnë këngëtaren në rrjetet e saj sociale, duke i shprehur mirënjohjen për gjithë artin që ajo ka dhuruar.
Kujtojmë se së fundmi e ftuar në një intervistë me gazetarin Eraldo Rexho, Libohova ka pohuar se ka shumë këngë për publikun shqiptar, të cilat mund t’i publikojë në një të ardhme kur të jetë plotësisht e bindur./revistawho.com
