Nëse flasim për Lady Diana-n dhe jetën pas divorcit nga pas Charles, personi i parë që na vjen ndërmend është Dodi Fayed. Dyshja humbi jetën në një aksident të tmerrshëm automobilistik në vitin 1997.
Por para se të fillonte lidhja e Dianës me producentin e filmit dhe djalin e manjatit egjiptian, Mohammed Al Fayed, ajo kishte jetuar një lidhje dashurie pasionante me një djalë simpatik, “shpirtin e saj binjak” siç e quante ajo. Miqtë e ngushtë të Dianës treguan se ky mashkull ishte dashuria e saj e madhe.
Ai ishte Hasnat Kaan, një kardiokirurg nga Pakistani, i cili kishte jetuar dhe punuar për vite në Londër. Ata që e kanë njohur princeshën kanë treguar se ajo e ka quajtur Hasnatin “zotëri i mrekullueshëm” dhe se lidhja e tyre zgjati 2 vjet. Ata u ndanë pak para se ajo të vdiste në moshën 36-vjeçare.
Në sezonin e pestë të serialit hit të Netflix, “The Crown” shfaqet Hasnat Kaan dhe interpretohet nga aktori Humayun Saeed.
Çifti u takua kur martesa e saj me Charles po i vinte fundi. Në një intervistë të rrallë me Daily Mail, Caan foli për herën e parë që takoi Dianën “Ne u takuam më 27 gusht 1995. Ishte një festë publike atë të hënë dhe ajo po vizitonte një nga pacientët e mi. Diana ishte në spitalin Royal Brompton shpesh dhe ajo e përkrahte shoqen e saj. Një ditë dola nga spitali dhe ajo hyri brenda dhe bërtiti: “Hej, ku po shkon?” Më pas i thashë se do të shkoja te xhaxhai për të mbledhur disa libra dhe i thirra: “Doni të vini?”. Ajo tha po, dhe kjo ishte ajo, me të vërtetë .’ Ai vazhdoi, “ Ne dolëm me makinë atje, u kthyem me makinë dhe zbuluam këtë lidhje të mrekullueshme që kishim me njëri-tjetrin. Ajo ishte shumë e zakonshme në shumë mënyra, një person normal me shumë ngrohtësi .’
Gjatë lidhjes 2-vjeçare, çifti u bë shumë i afërt. Diana udhëtoi me partnerin e saj në Pakistan për të takuar familjen e tij dhe Khan zbuloi disa vite më parë se kishte takuar djemtë e saj William dhe Harry.
Duke përshkruar marrëdhënien e tyre, Kaan tha se ajo ishte ” shumë e bukur ” pa ” probleme personale “. “ I vetmi problem që kishim ishte me mediat dhe i vetmi vend ku mund të kishim privatësi të vërtetë ishte në Kensington Palace ”, shtoi ai.
Në vitin 2008, shërbëtori i Dianës, Paul Burrell, tha se Dina kishte menduar të martohej me të dashurin e saj, por nuk e dinte nëse i lejohej.
Marrëdhënia e tyre përfundoi pa arritur në atë pikë.
