Renato Mekolli është një nga shefat më të komentuar, sidomos pas sezonit të ‘Hell’s Kitchen’ në ‘Top Channel’. Emisioni, i cili drejtohej nga Mekolli solli çdo të premte shumë emocione dhe eufori dhe kjo për shkak të reagimeve ekspresive të tij.
Një ndër “batutat” më të komentuara të shefit të kuzhinës u bë ajo e “qimes”, ku Renato dalloi një fije floku në ujin që ziente. Që nga ai moment kudo në rrjetet sociale vërshuan ‘meme-t’ me këtë reagim spontan të Mekollit.
Së fundmi ka qenë modelja Oriola Marashi, e cila nuk ka shpëtuar pa e përdorur batutën e shefit.
Në një foto të publikuar në ‘Instastory’, Oriola ka shkruar: “As Renato Mekolli nuk ma gjen dot një qime”.
Siç duket, batuta e tij vazhdon akoma të përdoret në situata nga më të ndryshmet që zënë vend edhe në përditshmëri, ashtu siç ishte dhe rasti i Oriolës./revistawho.com
