Moderatorja Arbana Osmani ka publikuar pak minuta më parë disa foto krah mikeshës së saj Xhemi Shehu, e cila feston ditëlindjen dy ditë më vonë. Arbana ka zgjedhur ta surprizojë atë me foto nga momentet e tyre së bashku, teksa qëndrojnë në shtëpi ose shpenzojnë orët në shoqërinë e njëra-tjetrës në ambiente të tjera. “Numërimi mbrapsht për ditëlindjen e Xhemit me disa nga kujtimet tona më të bukura. Ku e rëndësishme ka qenë të kem dalë unë mirë sigurisht”,-shkruan ajo me shaka.
Mjafton t’i hidhni një sy fotove dhe do të kuptoni sa e bukur është miqësia e dy moderatoreve.
Më tej Arbana shkruan ‘Të dua’ për ta mbyllur surprizën e këndshme dedikuar mikeshës së saj. Xhemi nuk ka vonuar të reagojë dhe një pjesë të bisedës së tyre, Arbana e ka publikuar sërish në ‘Instagram’.
Kjo ditëlindje me siguri do të jetë shumë speciale për Xhemin, po aq sa kujtimet që ka krijuar deri tani me mikeshën e saj./revistawho.com
