Të dyja janë personazhe shumë të njohur njëra si këngëtare e tjetra si stiliste, por askujt nuk i kishte shkuar në mendje se mund të ishin kunata. Bëhet fjalë për Juliana Pashën dhe Miranda Dupin, bashkëshortët e të cilave janë vëllezër. Për herë të parë Juliana dhe Miranda dolën dhe folën publikisht si dy kunata në emisionin ‘Rudina’.
Ato kanë treguar se marrëdhënia e tyre ka qenë shumë e mirë që në fillim, por pasi Juliana ja besoi imazhin si këngëtare Mirandës lidhja e tyre si dy kunata u përforcua akoma dhe më shumë. “Një nga gjërat për të cilat artistët shqiptarë kanë vuajtur gjithmonë ka qenë kujdesi për imazhin. Unë e ndiej veten me fat që kam Mirandën, sepse ashtu siç e shoh unë veten në pasqyrë, nuk e sheh Miranda. Unë asnjëherë nuk arrij ta mendoj veten jashtë një stili tjetër, ndërsa Miranda eksperimenton dhe guxon më shumë se unë. Që prej vitit 2008, kur Miranda më solli fustanin e parë për Këngën Magjike pa më bërë asnjë provë, arriti të kuptonte se çfarë doja unë” ka thënë Juliana Pasha. Ndërsa Miranda ka treguar: “Juli është stil …. është e fortë, bëhet e brishtë, është sipas këngës. Juli është këngëtare potente dhe veshja kështu i përshtatet. Juli nuk do të vishet asnjëherë provokuese dhe nëse unë i them ndonjëherë ‘vish ndonjë gjë më të shkurtër’, ajo refuzon…” /revistawho.com
