Një asteroid gjigant, i quajtur 16 Psyche, vlerësohet të ketë një pasuri prej 8 kuadrilionë paund, falë përmbajtjes së tij me metale të çmuara si platini dhe palladiumi. Ky objekt hapësinor u zbulua në vitin 1852 nga astronomi italian Annibale de Gasparis dhe ka ngjallur interesin e NASA-s.
NASA, së bashku me SpaceX, ka nisur një mision eksplorues me raketën Falcon Heavy për të studiuar asteroidin. Anija Psyche pritet të arrijë atje në gusht 2029.
Shkencëtarët besojnë se asteroidi, që përmban 30-60% metale, mund të ndihmojë në kuptimin e bërthamave planetare dhe formimit të trupave qiellorë.
Megjithëse vlera e tij mund të bëjë çdo njeri miliarder, një ndarje e tillë e pasurisë është e pamundur dhe mund të shkatërrojë ekonominë globale. Për NASA-n, prioritet mbeten përfitimet shkencore, me rezultate më të hollësishme që priten në fillim të viteve 2030.
